PARAMASASTRA KELAS 9 PERT 2

TAMBAHAN MATERI PARAMASASTRA

Assalamu'alaikum wr wb

Para siswa kls 9 sing tansah tak tresnani....

Kepriye kabare...

Mugi pinaringan sehat kabeh..isih tetep semangattt....

Dina iki ana tambahan materi...mengkone TEGES SAKA PARAMASASTRA DI AYAHI ING BUKU TUGAS

DENE SOAL-SOAL DIAYAHI ANA ING KERTAS FOLIO YA....!

D. MATERI TAMBAHAN :

1. Bebasan lan saloka

Bebasan yaiku : unen-unen kang ajeg panganggone, ngemu surasa pepindhan kang dipindhakake kahanane wong utawa barang.

Tuladha : ngubak-ubak banyu bening tegese gawe rerusuh ing papan sing aman.

Saloka yaiku : Unen-unen kang ajeg panganggone, ngemu surasa pepindhan lan sing dipindhakake kahanane wong

Tuladha : Timun mungsuh duren tegese : wong sing kuwat mungsuh wong sing ringkih.

Pratelan ngisor iku golekana bebasan utawa saloka sing wis cumawis ing ngisore !

1. perkara sepele ngambra-ambra dadi gedhe.

2. melu anut grubyuk ora ngerti arah tujuwane.

3. Bisa njunjung drajate wong tuwa .

4. Nindakake pagawean kanthi lega lila ora duwe pamrih apa-apa.

5. Prabot sing rusak amarga ora digunakake.

6. Wong sing seneng janji nanging ora dileksanani.

7. Wong sing duwe kapinteran nanging ora dimanfaatke nganti saat akhire.

8. Wong sing rupane apik ditambah becik bebudene.

9. Pasulayan amung ngrebutake barang sing ora ana gunane.

10. Wong uripe rekasa amarga omongane dewe.

2. Tembung Saroja

Tembung saroja yaiku tembung loro kang padha tegese utawa meh padha tegese kang lumrah dianggo bebarengan banjur nduweni teges mbangetake.

Tuladha : Bagas tegese sehat

Waras tegese sehat

Bagas waras ateges sehat banget, utawa adoh saka lelara.

Tembung sing kacithak kandel iki tegese apa ?

1. Dasamuka iku raja kang awatak angkara murka

Angkara murka , tegese………………………………………………………………………...

2. Anoman benget anggenipun madosi papan dunungipun Dewi Sinta

Papan dunungipun tegese………………………………………………………………………..

3. Dewi Trijatha ugi boten sarujuk kaliyan tindak lampahipun Prabu Dasamuka.

Tindak lampah tegese……………………………………………………………………………

4. Sinaosa mapan ing taman ingkang edi peni nanging babar pisan Dewi Sinta boten ngraosaken gembira manahipun.

Edi peni tegese……….………………………………………………………………………….

5. Dewi Sinta boten nggadhahi raos was sumelang kaliyan Dewi Trijath Sinaosa Dewi Trijatha menika penakanipun Prabu Dasamuka.

Was sumelang , tegese…………………………………………………………………………..

6. Sri Rama sakalangkung suka rena ing galih tampi palapuraning Anoman.

Suka rena , tegese……………………………………………………………………………….

7. Wadya bala kapi ingkang dipunpangarsani Sugriwa bidhal ngrabasa dhateng negari Alengka ngrebat Dewi Sinta.

Wadya bala, tegese……………………………………………………………………………..

8. Saiki uripe wis mukti wibawa , sanajan biyen papa cintrakaora duwe apa-apa.

Papa cintraka tegese……………………………………………………………………………

9. Asmane Taufik Hidayat arum angambar ing donyaning Olahraga badminton.

Arum angambar tegese…………………………………………………………………………

10. Wayang iku kagunan kang adi luhung mula akeh wong manca sing nggilut nyinau kagunan kang endah edi mau.

Adi luhung tegese maknane…………………………………………………………………….

3. Purwakanthi

Purwa : Wiwitan

Kanthi : Gandheng, kanca, nganggo, migunakake.

Purwakanthi yaiku : nggandheng kang wus sinebut ing wiwitan (purwa).

Tegese, sing wis disebut ing ngarep, dibaleni maneh. Sing dibaleni iku swarane (vokale), sastrane (konsonane), malah terkadang tembunge.

Purwakanthi ana 3, yaiku :

1. Purwakanthi Guru swara,

yaiku purwakanthi sing runtut swarane (vokal), utawa utawa swara urip (A,I,U,E,O)
Tuladha :

a. We la dadi kapiran-kapirun, gaga ora matun sapi oran nuntun.

b. Jarene kepingin maju, lha kok ora sinau.

c. Aja dahwen ati open, yen kowe kepingin kejen.

d. Dupeh menang, tumindhak sawenang-wenang.

e. Jaman bubrah sing salah malah disembah-sembah.

f. Atine ora bisa luntur dening pitutur, ora bisa luluh dening pituduh lan ora mendha dening tembung manuara.

2. Purwakanthi Guru Sastra

yaiku purwakanthi sing runtut sastrane (konsonan), utawa swara mati (B,C,D,F, Lsp.)

Tuladha :

a. Jejodhoan kudu ngelingi bebet, bibit lan bobot.

b. Yen kepingin ngerti marang gaib iku, kudu eneng, ening bisa uninga.

c. Sapa goroh bakal growah.

d. Kekudanganku marang kowe, klakona mengku kamulyan.

3. Purwakanthi Guru Basa ( Lumaksita).

yaiku purwakanthi sing runtut basane (tetembungane)

Tuladha :

a. Kalah cacak, menang cacak.

b. Emban cindhe, emban siladan.

c. Raja putra, putrane Raja Alengka.

Aranana kalebu purwakanthi apa ?

1. Ya ngene iki dadi wong cilik, panggaweane iplik, bayare sethithik.