TEKS DESKRIPSI PERTEMUAN 2 KLS 7

 

Tradisi Suran ing Desa  Traji

Manut  crita  sing ngrembaka  ing masyarakat desa Traji, mula bukane   tradisi 1 Sura  kawiwitan saka lelakone dhalang  asmane Garu sing   kasuwun ndhalang ing daleme  salah sawijining priyayi ing desa kono. Garu nyaguhi pamundhute  piyayi  mau. Ngarepake  tanggal 1 Sura, Ki Dalang lan rombongan teka  ing  papan  sing wis  dicawisake. Ing daleme  priyayi  mau ana  gapura  kang gedhe , ngengreng  lan wis  kebak pawongan  sing akeh arep padha  nonton wayang ing bengi  iku. Salebare  Isya, Ki dalang wiwit ndhalang kanthi  lakon Tambak Situbondho. Sawise rampung  ndhalang , ki Dhalang  nampa  bayaran  awujud  telung iring kunir. Mesthi  wae  Ki Dhalang  keget . Wusana dhalang  mung njupuk  telung wiji kunir mau. Priyayi  sing  nanggap  wayang  mau wanti-wanti aja  pisan-pisan ki Dhalang mengo  sadurunge  antuk  pitung  jangkah. Lamun pesen  iku dilanggar, bakal  kedadean bab sing ora  nyenengake. Nanging  Ki Dhalang  durung  nganti entuk pitung langkah wis mengo. Dumadakan omah gedhe  daleme priyayi  mau  sanalika  ilang, wong-wong sing   padha  nonton  wayang uga wis ora  ana. Papan  iku  wis  malih  dadi  wit  ringin  sing gedhe, dene  kunir  ing kanthonge Ki Dhalang krasa  abot, jebul  kunir-kunir mau  wis  malih  dadi  emas  batangan  cacah 3. Sawise  kedadean mau, ki Dhalang ngendika  supaya  masyarakat  ing kono  padha  nganakake  slametan  ing  saben  tanggal 1 sura.

Sabanjure, masyarakat  ing  kono  saben tanggal 1 Sura  nganakake  slametan. Minangka  pengiring sesajen, dipilih  pasangan  manten  yaiku pak Lurah sekaliyan  kang dirias  kaya dene penganten Jawa, ngagem busana  keprabon.

Sewulan  sadurunge, ing  sapinggire  dalan gedhe Parakan –Ngadirejo  wis  akeh  para bakul jajanan lan bakul dolanan mbukak  dhasar  ing  kono. Uga  ana  pasar  malem sing nggelar sawernaning  dolanan  lan tetumpakan. Lomba- lomba  kanggo  ngramekake  swasana  uga  diadani.  Tetandhingan  bal-balan ngrebutake  Sura Cup dianakake  ing  lapangan Traji. Mangkono  keramean ngadhepi  upacara  adat Suro  ing desa Traji.

Upacara Suran  diwiwiti  kanthi  pasang besek  sesaji  ing prapatan lan pratelon  dalan-dalan desa  Traji  ing wektu  sore  sadurunge  upacara  kawiwitan.  Sesaji  mau  isine  woh-wohan  kayadene pisang, jambu air, bengkowang, jajan pasar, rokok, lan  dhuwit recehan.  Cacahe  besek  sesaji mau  manut  jumlah prapatan lan pratelon  ing desa  Traji. Sesaji  iku diadani kanthi tujuwan nyuwun supaya upacara Suran  bisa  kaleksanan  kanthi  selamet.

Sawise  pasang besek  sesaji  wis  rampung, Pak Lurah sing wis  ngagem busana keprabon , para  pamong  lan  warga  sing   mangagem  busana adat Jawa,  kumpul  ing  bale  desa Traji  sing wis siyaga nganakake kirab. Kirab  penganten diwiwiti  salebare  shalat  maghrib. Arak  arakan penganten mau diiringi  gunungan  gedhe  isine  asil  bumi kayata  pari, sayur-sayuran, jagung, terong, lan besek gedhe isine endhas  lan sikil  wedhus lan rupa sesaji liyane. Arak-rakan kirab  tumuju  ing sendhang Sidhukun sing  jarake 600 meter, liwat  dalan gedhe. Sanajan ora  adoh, arak-arakan  mau bisa mbutuhake  wektu  nganti sajam, amarga  dalan sing tumuju Ngadirejo macet.

Satekane  ing sendhang Sidhukun, maca tembang macapat lan   donga isi syukur lan nyuwun keslametan supaya desa kono didohake  saka sawernane  musibah. Sawise  diwacakake  donga   sesaji endhas lan sikil wedhus  dicemplungake  ing sendhang mau. Isi  sesajen liyane  uga  ana  sing dicemplungake  ing sendhang. Kirab banjur diterusake  ing sendhang Kali Jaga. Papane  ora  adoh saka sendhang Sidhukun. Ing kono uga masang sesaji  ing watu gedhe sacedhake  sendhang Kali Jaga.

Saka sendhang Kali Jaga, arak-arakan bali menyang bale Desa. Ing sadawane dalan sing diliwati, pengantin  putri (Bu Lurah ) tuku  jajanan / barang-barang sing didol ing kono. Para  bakul   duwe  keyakinan yen dagangane dituku pengantin putri mau bakal gangsar rejekine. Mula  sanajan dituku murah bakul - bakul kanthi rena  menehake dagangane. Ing bale desa banjur  dianakake  sungkeman dening para  pamong , warga  lan bakul-bakul, nyuwun pangestu supaya ing taun ngarep kaparingan rejeki sing berkah.

Ing wektu tengah wengi dianakane ziarah ing makam Kyai Adam Muhammad sing dipercaya  masyarakat  kono minangka Kyai sing nyebarake Agama Islam ing Traji. Ing papan iku padha  maca  Surat Yasin lan donga liyane. Esuke dianakake  pagelaran  wayang kulit  kanthi  lakon  Tambak Situbondho. Lakon iki  nyritakake  pambudidayane masyarakat  supaya  anggone  olah tetanen  asile  apik. Bengine lakon  wayang sing dipilih yaiku lakon pilihane Pak Lurah. Dhalang sing diundang syarate  kudu  wis nate  ndhalang neng kraton Ngayogyakarta.

 

1.      Wangsulana  pitakon-pitakon ngisor iki

1.      Sapa  asmane  dhalang sing wiwitan ndhalang ing desa Traji ?

.......................................................................................................

2.      Dhalang mau nyritakake  lakon apa ?

........................................................................................................

3.      Upah sing diwenehake wong sing nanggap  wayang mau wujude  apa ?

.......................................................................................................

4.      Apa  pesene  sing  naggap  wayang marang Ki  Dhalang  mau ?

........................................................................................................

5.      Apa  sing ditindakake warga/panitya sadurunge  upacara  Suran ing

desa Traji ?

........................................................................................................

6.      Gunungaan  sing diarak isine  wujud  apa ?

.........................................................................................................

7.      Sapa  sing dipacaki  manten ngagem busana  keprabon ?

......................................................................................................

8.      Arak-arakan besek  lan  gunungan  iku digawa  menyang ngendi ?

.......................................................................................................

9.      Wayah  apa  upacara  arak – arakan iku  diwiwiti ?

..............................................................................................

10.   Kepriye tanggapanmu  bab  anane Upacara Suran  ing Desa Traji  iku ?

..................................................................................................................

2.     Golekna tembug-tembung kang angel banjur golekna tegese ing bausastra utawa kamus!

 

No	Tembung  angel	Tegese
1	Mula bukane	Wiwitani, awal-awale.
2	............................................	..........................................................
3	............................................	..........................................................
4	............................................	..........................................................
5	............................................	..........................................................
6	............................................	..........................................................
7	............................................	..........................................................
8	............................................	..........................................................
9	............................................	..........................................................
10	............................................	..........................................................
11	............................................	..........................................................
12	............................................	..........................................................
13	............................................	..........................................................
14	............................................	..........................................................
15	............................................	..........................................................