KAENDAHANING KUTHA TEMANGGUNG



 Katon ijo royo-royo

Tanduran  mbako subur

Ora ana kang  loyo

 Adhem ayem  tansaya  makmur

 

Warga Temanggung eseme pait madu

Tan kendhat  anggene nyenyuwun

Mring Gusti Allah kang maha Agung

Dene urip kamulyan kang tansah disuwun

 

Esuk awan klawan sore

Pak tani Temanggung kesele ora dirasakake

Amung panen reja rejeh kang diseja

Muga binerkah apa kang daktampa

                                                           

Pancen endah kutha Temanggung

Gawe bungah ati kang suwung

Tanduran mbako lan budayane

Mangga sami dilestariake



Wangsulana Pitakonan kang ana gegayutan karo geguritan ing dhuwur!


1.Tulisen kepriye kahanan tandurane mbako!

2.Apa kang disuwun warga Temanggung marang Gusti Kang Maha Agung?

3.Anggone padha nyambut gawe ing wayah apa?

4.Para petani ing Temanggung ora padha ngrasakake kesele jalarane apa?

5.Apa kang kudu dilestarekake ing kutha Temanggung?



Ukara-ukara ing ngisor iki ngandhut Purwakanthi apa!


1.Mungguwing tirta,tirta kandheng ing samodra.

2.Putra - putrine petruk padha patroli.

3.Titi titis tatas trengginas.

4.Kulite kuning kadi mas sinangling

5.Wong mati ora obah, nik obah medeni bocah

6. Tembungmu ya mbok sing sareh kareben pikoleh

7.Mingkar mingkuring angkara angkarana karenan mardi siwi

8.Tela rujakane, gawe gela sajakane

9. Pak Kerta tuku kreta numpak kreta liwat kreteg Kertasana

10.Tandang tanduke tansah titi ngati-ati.